Die Vrug van die Gees

Die Vrug van die Gees gaan oor die nuwe lewe wat daar is vir die mense wat gekies het om Jesus te volg en nou gevul is met die Gees van God – die Heilige Gees. In Galasiërs 5:16-26 vertel die apostel Paulus dat ons ou lewe van sonde (werke van die vlees) nou verby is; mens wat met God se Gees vervul is, is nuwe mense – hulle lewe is nuut (gevul met die Vrug van die Gees). Die ou lewe word gekenmerk aan ons wêreldse gedrag (skinder, vloek, leuens, moord, steel, woede, onvriendelikheid, afgodery, vyandskap, towery, dronkenskap, jaloesie en ‘n pad na vernietiging), terwyl ons in die nuwe lewe die vrug van die Gees dra (liefde, vreugde, vrede, lankmoedigheid, vriendelikheid, goedheid, getrouheid, sagmoedigheid en selfbeheersing). Voorbeelde uit die Bybel en regte stories word gebruik om die vrug van die Gees te verduidelik.

Die boek het inkleurblaaie van die storie, woordsoektog en ‘n sny-en-speel-aktiwiteit.

Die vyf Bybelboeke in die stel, in beide Afrikaans en Engels, bestaan uit:

1) Die Skepping / The Creation
2) Die Geboorte van Jesus / The Birth of Jesus
3) Jesus leef / Jesus is Alive
4) Die Vrug van die Gees /  The Fruit of the Spirit
5) Die Wapenrusting van God /  The Armour of God