Anderkant 65

Die lewensfase anderkant vyf-en-sestig het statuur gekry. Mense word ouer, leef langer en bly langer gesond en aktief as ooit tevore. As die aftreejare eens ledige stoepsitjare was, is dit vandag beslis nie meer so nie. Hierdie boek gee erkenning aan die aftreeleeftyd as ‘n volwaardige deel van ons lewe met unieke geleenthede, uitdagings en genietinge. Dit lê klem daarop dat ons nie net moet aftree van ‘n loopbaan nie, maar doelgerig ook na ‘n nuwe lewensfase. Die vyftigtal aktuele onderwerpe kan waardevol wees vir mense van enige ouderdom, maar is spesifiek bedoel vir iemand wat op pad is na aftrede, pas afgetree het of hom of haar reeds iewers op die spektrum van die lewensfase anderkant vyf-en-sestig bevind. In dié lekkerlees boek is daar heelwat humor om te geniet, maar ook ernstiger dele wat dieper nadenke vra.